Maguayr «MYu»ga kelishidan oldin «Siti»ning ancha manfaatli taklifini rad etgan
16.08.2019, 13:54
Garri Maguayr «MYu»ga o‘tishidan oldin «Manchester Siti»ning haftasiga 278 ming funt maoshni ko‘zda tutuvchi taklifini rad etgan.
Daily Star`ning yozishicha, Maguayrning vakillari «shaharliklar» rasmiylari bilan bir necha marta uchrashuv o‘tkazgan, muhokamalarda Vensan Kompaniga o‘rinbosar qidirayotgan «Siti»dagilar Garriga jami 70 million funt maoshni ko‘zda tutuvchi 5 yillik shartnoma taklif qilishgan.
Shu tariqa, Maguayr nafaqat futbol tarixidagi eng qimmat himoyachi, balki jahonda eng ko‘p maosh oluvchi himoyachiga ham aylanishi mumkin edi. Ammo bu vaqtga kelib u Manchesterning boshqa klubiga o‘tish qaroriga kelib ulgurgan bo‘lgan.
The Athletic ma’lumotiga ko‘ra, 26 yoshli himoyachining «Yunayted»dagi maoshi haftasiga 190 ming funtni tashkil etadi.
Manba: www.tribuna.uz