«Yunayted» menga shartnoma taklif qilmay, xato qilganini ko‘rsatib qo‘ymoqchiman». Pogba «MYu»ni tark etayotgani haqida ilk marta ochiq gapirdi
16.06.2022, 16:49
Yozgi transfer oynasida «Manchester Yunayted»ni tark etishi aniq bo‘lib ulgurgan Pol Pogba ilk marta jamoani tark etayotgani haqida ochiq gapirdi.
Fransiyalik futbolchining fikricha, «Manchester Yunayted» u bilan shartnomani uzaytirmay, xatoga yo‘l qo‘ygan.
«Mening endigi maqsadim – «Manchester Yunayted»ning menga yangi shartnoma taklif qilmay, uzoq o‘ylab, xatoga yo‘l qo‘yganini ko‘rsatish bo‘ladi.
Shuningdek, «MYu»ning men bilan shartnomani uzaytirmay xatoga yo‘l qo‘yganini boshqa jamoalarga ham ko‘rsatib qo‘ymoqchiman», – deydi Pogba.
Eslatib o‘tamiz, 29 yoshli fransiyalik yarim himoyachi 2016 yildan joriy mavsum yakuniga qadar «Yunayted» sharafini himoya qilib, iyun oyi yakunida jamoani rasman erkin agent sifatida tark etadi. Klub yangi bosh murabbiyi Erik ten Hag va jamoa rahbariyati Pogba bilan kelishuvni uzaytirishni istamagan.
Avvalroq, Pogba «Yuventus» taklifini qabul qilgani, futbolchining Turindagi maoshi Manchesterdagidan qariyb ikki baravar kam bo‘lishi haqida xabar tarqalgan edi.
Manba: www.tribuna.uz
[Изображение удалено]