Ferdinand: «Ronaldu g‘alabalarga va YeChLda o‘ynashga o‘rgangan. U hatto Yevropa Ligasi madhiyasini bilmaydi!»
07.07.2022, 12:21
Rio Ferdinand hujumchi Krishtianu Ronalduning «Manchester Yunayted»ni tark etish istagi haqida gapirdi.
«Albatta, u baxtli emas! Gap Krishtianu Ronaldu haqida! Nega uning «Manchester Yunayted»dagi vaziyatdan norozi ekanligi haqida ko‘p gapirilayotganini tushunmayapman. U mamnun bo‘lolmaydi, men ham rozi emasman.
Agar inson g‘alaba qozonishni istasa, yutishga va yuqori o‘rinlar uchun kurashishga o‘rganib qolgan bo‘lsa-da, lekin birdaniga bu imkoniyatlarni yo‘qotib qo‘ysa va Chempionlar Ligasiga ham chiqa olmasa, bundan xursand bo‘lmasligi aniq.
Ronaldu YeChLda o‘ynamasligidan norozi. U Yevropa Ligasi madhiyasi qanday yangrashini ham bilmaydi!», – deydi Ferdinand.
Manba: www.tribuna.uz
[Изображение удалено]