Ten Hag «Liverpul» bilan 4:0 dan keyin: «MYu» ko‘p xato qildi. Bu raqibning eng kuchli tarkibi emasdi»
13.07.2022, 09:37
«Manchester Yunayted» bosh murabbiyi Erik ten Hag «Liverpul»ga qarshi o‘rtoqlik o‘yinidan (4:0) keyin fikrlari bilan o‘rtoqlashdi.
«Bugun natijadan qoniqdim. Jamoa jangovarlik ruhini ko‘rsatdi va biz hali uzoq yo‘lning boshida turganimizni barcha tushunib turibdi.
Pressing qilishda ko‘plab xatolarga yo‘l qo‘ydik, raqibga qator vaziyatlar yaratishiga imkon berdik. Shu bilan birga o‘zimiz ham ko‘p vaziyat yarata oldik. Xatolarni to‘g‘rilash uchun hali ko‘p ishlashimiz lozim.
Tarkibimizda yaxshi o‘yinchilar ko‘p ekanini bilaman. Biz jamoa shakllantirayapmiz va birinchi o‘yinimizdan qoniqdim. Hali bizga yana ko‘p vaqt kerak. Bugun ko‘p xatolarga yo‘l qo‘ydik. «Liverpul» uchta tarkib bilan o‘ynadi, bu ularning eng kuchli tarkibi emas. Bugungi natijani ortiqcha baholamaymiz.
Shunga qaramay, bugun o‘yinimizda chindan ham yaxshi vaziyatlarni ko‘rdim. Hujumda tezkor va kreativ harakat qildik», – deydi ten Hag.
Eslatib o‘tamiz, Bangkokda o‘tgan turne doirasidagi bahsda Sancho, Fred, Marsyal va Pelestrining gollari «Yunayted»ga yirik g‘alaba keltirdi. Bu ten Hag qo‘l ostidagi ilk o‘yin edi.
Manba: www.tribuna.uz
[Изображение удалено]