De Yongning agenti «MYu»dan vaqtni behuda o‘tkazmaslikni so‘radi
15.07.2022, 10:18
«Barselona» yarim himoyachisi Frenki de Yongning agenti «Manchester Yunayted»ning futbolchini sotib olishga urinishlaridan norozi.
Ali Dursun chorshanba kuni «Barselona» mehmonxonasida «Manchester Yunayted» boshqaruvchi direktori Richard Arnold va sport direktori Jon Merto bilan uchrashdi, deb xabar beradi Diario Sport.
Suhbat davomida 25 yoshli futbolchining vakili mijozining APL klubiga o‘tishini yana bir bor rad etdi va mankunianliklar rahbariyatidan vaqtni behuda o‘tkazmaslikni so‘radi.
Ta’kidlanishicha, niderlandiyalik havbek «Barselona»ni tark etishga qarshi emas, ammo aynan «MYu»ga o‘tishni istamaydi.
Ayni paytda kataloniyaliklarning o‘zi de Yongning tezroq ketishi uchun unga bosim o‘tkazishda davom etmoqda va hafta oxirigacha uni «qizil iblislar»ga sotishga umid qilmoqda.
Manba: www.tribuna.uz
[Изображение удалено]