«MYu» Sancho uchun kurashda peshqadamlik qilmoqda
27.11.2019, 05:28
«Manchester Yunayted» klubi «Borussiya Dortmund» hujumchisi Jeydon Sancho xizmatiga qiziqish bildirmoqda.
19 yoshli futbolchi bilan «Real», «Liverpul» va «Barselona» klublari ham shartnoma imzolamoqchi, biroq «MYu» uni qo‘lga kiritishiga ishonyapti.
2017 yilda «Manchester Siti» Sanchoni Germaniyaga sotganida «Borussiya Dortmund»dan uning transferi bo‘yicha takliflardan xabardor qilishni so‘ragan edi.
Ayni paytda PSJ Sanchoga bo‘lgan qiziqishni yo‘qotgan. «Arsenal» esa uning transferi uchun 100 mln funt to‘lashga tayyor emas.
Bu mavsumda Sancho Bundesliga doirasida 10 ta o‘yinda maydonga tushib, 4 ta gol urgan va 6 ta golga hammualliflik qilgan.
Manba: www.tribuna.uz
