«MYu» Holandni qishki transferlar oynasida sotib olishni maqsad qilgan
27.11.2019, 20:10
«Manchester Yunayted» yanvarda «Zalsburg» hujumchisi Erling Holandni sotib olish bo‘yicha taklif bilan chiqadi.
The Times’ning xabariga ko‘ra, ingliz klubining skautlari joriy mavsumda 16ta bahsda 22ta gol urgan 19 yoshli hujumchining o‘yiniga ijobiy baho berishgan.
«MYu» futbolchini dastlab yozda sotib olmoqchi edi, ammo endi Avstriya klubini qishki transfer oynasida norvegiyalik hujumchini sotishga ko‘ndirmoqchi.
Oldinroq, «Zalsburg» hujumchini 85 million funtdan ko‘proqqa baholagani haqida xabar qilingandi. Shuningdek, futbolchiga «Leypsig» ham qiziqish bildirmoqda.
Manba: www.tribuna.uz