«Real» qishda Pogbani transfer qilmoqchi
29.11.2019, 08:39
«Real» yanvardayoq «Manchester Yunayted» yarim himoyachisi Pol Pogbani safiga qo‘shib olmoqchi. Le Figaro nashri xabariga ko‘ra «Real» prezidenti Florentino Peres «MYu» uchun taklif tayyorlamoqda.
Manba ma’lumotiga ko‘ra, «Real» ushbu fransuz futbolchisi uchun 85 million yevro to‘lashga tayyor, shuningdek Pogba transferi doirasida Mariano Dias va Xames Rodriges ham Manchesterga yo‘l olishi mumkin.
26 yoshli Pogbaning «MYu» bilan amaldagi shartnomasi 2021 yilga qadar tuzilgan, ammo futbolchining o‘zi klubni tark etishni istamoqda.
Manba: www.tribuna.uz