«MYu» «Yuventus» yarim himoyachisini tekinga o‘z safiga qo‘shib olmoqchi. Ten Hag futbolchi bilan gaplashdi
15.05.2023, 16:44
«Manchester Yunayted» Adriyen Rabo bilan shartnoma imzolash g‘oyasiga qaytdi.
O‘tgan yili avgust oyida ingliz klubi «Yuventus» bilan transfer borasida kelishib olgani, ammo rasmiy jarayonlar bo‘lmagani haqida xabar berilgandi.
L’Equipe’ning yozishicha, «MYu» yana yarim himoyachini qo‘lga kiritishga harakat qilmoqda – bu safar erkin agent sifatida. Turinliklar 28 yoshli fransuz bilan shartnomani uzaytirishni rejalashtirmayapti.
Ta’kidlanishicha, mankunianliklar bosh murabbiyi Erik ten Hag allaqachon Rabo bilan transfer borasida gaplashgan.
Yarim himoyachi bu mavsumda A Seriyada 28 ta o‘yin o‘tkazib, 8 ta gol urdi.
Manba: www.tribuna.uz