«MYu» «Napoli» futbolchisiga ko‘z tikkan
26.12.2019, 19:44
«Manchester Yunayted» «Napoli» himoyachisi Kalidu Kulibalini o‘z safiga qo‘shib olish imkoniyatini o‘rganib chiqmoqda. Bu haqda The Telegraph xabar bermoqda.
Ma’lumotlarga ko‘ra, «MYu» rahbariyati qishki transferlar uchun 200 million yevro ajratmoqchi. Shu bois, Sulsher hozirda neapolliklarning 28 yoshli himoyachisi Kalidu Kulibalini o‘z safiga qo‘shib olish uchun vaziyatni kuzatmoqda. Klub rahbariyati va futbolchilar o‘rtasidagi mojarodan keyin «Napoli» Kulibalini 70 million yevroga qo‘yib yuborishga tayyor. «Manchester Yunayted» bundan foydalanib, senegallik futbolchini o‘z safiga qo‘shib olmoqchi.
Ma’lumot uchun, Kalidu Kulibali Italiya A Seriyasi ushbu mavsumida 14 o‘yinda maydonga tushdi. «Napoli» 17-turdan keyin 24 ochko jamg‘arib, turnir jadvalida 8-o‘rinda bormoqda. Jennaro Gattuzo jamoasi keyingi turni 6 yanvar kuni «Inter»ga qarshi o‘tkazadi.
Manba: www.tribuna.uz