Sulsher «Nyukasl» bilan o‘tgan o‘yin, tig‘iz taqvim va Grinvud haqida gapirdi
27.12.2019, 15:01
«Manchester Yunayted» bosh murabbiyi Ole-Gunnar Sulsher APLning 19-turidan o‘rin olgan «Nyukasl»ga qarshi o‘yindan so‘ng (4:1) o‘z fikrlari bilan o‘rtoqlashdi.
«Hisob 0:1 bo‘lib turgan paytda jamoamiz raqibni xato qilishga majbur qildi va bundan foydalanib qoldi. «Uotford» bilan o‘yinda ham vaziyatlarni yaratgandik, ammo foydalana olmadik.
Meyson Grinvud – yaxshi hujumchi. U doim darvozaga aniq to‘p tepshini bilasiz. Uning golini ko‘rish juda yoqimli. Pol Pogba uzoq vaqt yo‘q edi va jarohatdan keyin biroz moslashishi kerak. U qo‘sha oladi.
Taqvimga kelsak, o‘yinchilarning 3 kun ichida 2 ta o‘yin o‘tkazishlarini talab qilish – adolatsizlik. Lekin harakat qilishimiz kerak. Bizda aqliy jihatdan kuchli, yosh jamoa bor. Bu esa bizning tayyor bo‘lishimizni anglatadi», – deydi Ole.
Ma’lumot uchun, «MYu» 20-turda 28 dekabr kuni «Byornli» bilan safarda o‘ynaydi. Bahs Toshkent vaqti bilan 00:45da boshlanadi.
Manba: www.tribuna.uz
