Reshford: «Ronaldudek sakrab, bosh bilan gollar urish ustida ishlayapman»
27.12.2019, 17:44
«Manchester Yunayted» hujumchisi Markus Reshford APLning 19-turidan o‘rin olgan «Nyukasl»ga qarshi o‘yinda (4:1) bosh bilan gol urdi.
«Hozircha Krishtianu Ronaldu darajasida sakraganim yo‘q, ammo buning ustida ishlayapman», – deb yozadi Reshford o‘zining «tvitter»dagi rasmiy sahifasida.
Reshford bu mavsumda APLda 19 ta o‘yin o‘tkazib, 11 ta gol urdi va 4 ta golga assistentlik qildi.
Eslatib o‘tamiz, «Yuventus» hujumchisi Krishtianu Ronaldu A Seriyaning 17-turidan o‘rin olgan «Sampdoriya» bilan o‘yinda (2:1) g‘alaba golini urgan edi. O‘shanda u 71 smga sakrab, 256 smdan bosh bilan gol urgandi.
Manba: www.tribuna.uz