«Manchester Yunayted» «Lion» hujumchisiga qiziqmoqda
31.12.2020, 03:20
«Manchester Yunayted» «Lion» hujumchisi Mussa Dembelega qiziqish bildirmoqda. Bu haqda Daily Mail xabar bermoqda.
Manbaning yozishicha, ingliz klubi Erling Holandni qo‘lga kirita olmagach, e’tiborini «Lion»ning fransiyalik hujumchisiga qaratgan. «Manchester Yunayted» hujum chizig‘ini kuchaytirish uchun Mussa Dembeleni short-listga qo‘shgan va uni zaxira varianti sifatida ko‘rmoqda.
Ma’lumot uchun, Mussa Dembele Fransiya chempionati joriy mavsumida 18 o‘yinda maydonga tushib, 10 ta golga mualliflik qilgan.
Oldinroq, Dembelega Londonning «Arsenal» va Turinning «Yuventus» klublari ham qiziqish bildirayotgani haqida xabarlar tarqalgandi.
Manba: www.tribuna.uz
