Ole: «Kubokdan chiqib ketishdan ko‘ra takroran o‘ynash xursand qiladi»
06.01.2020, 08:43
«Manchester Yunayted» bosh murabbiyi Ole-Gunnar Sulsher Angliya Kubogining 1/32 final bosqichidan o‘rin olgan «Vulverxempton»ga qarshi o‘yindan so‘ng (0:0) o‘z fikrlarini bildirib o‘tdi.
Eslatib o‘tamiz, bahsda g‘olib aniqlanmagani uchun jamoalar yana bir o‘yin o‘tkazishadi. Bu safargi o‘yin «Old Trafford»da bo‘lib o‘tadi.
«Kubokdan chiqib ketishdan ko‘ra takroran o‘ynash ko‘proq xursand qiladi. Bu yerda o‘ynash qiyin.
Raqibda ko‘proq vaziyatlar bo‘ldi. Serxio Romero bir qancha ajoyib seyvlarni amalga oshirdi, u bizni hech qachon uyaltirib qo‘ymagan va ko‘p bor quruq o‘yinlar o‘tkazgan. U ajoyib inson va professional.
Men Angliya Kubogini yaxshi ko‘raman. Natija mantiqiy va ikkala klub ham o‘z yurishlarini to‘xtatishmadi», – deydi Ole.
Manba: www.tribuna.uz
